Igandean izan zen Beasaingo XII. Herri Lasterketa, eta Nerea Etxeberria azpeitiarra izan zen nagusi emakumeetan. Lasterketaren hasieratik izan zen buruan korrikalaria, eta nagusitasun osoz lortu zuen garaipena: 47 minutu eta 7 segundo behar izan zituen 11 kilometroko ibilbidea gauzatzeko. Haren atzetik sailkatu zen Argider Txurruka elgetarra (49:34), eta hirugarren, berriz, Amaia Leunda lazkaotarra (50:21).
Goierriko Hitzaren webgunean ikus daiteke lasterketako argazki bilduma.