Azpeitiko Udalak administrazio orokorreko hirigintza teknikaria kontratatuko du aldi baterako. Lanbideren bidez egingo du kontratazioa erakundeak. Lan eskaintzan izena emateko, ezinbestekoa izango da Zuzenbidean lizentziatua edo graduatua izatea, baita euskararen laugarren hizkuntza eskakizuna edo baliokidea izatea ere.
Interesa duten guztiek Lanbiden eman beharko dute izena martxoaren 28a baino lehen. Horretarako, Lanbideren webgunean bete beharko da formularioa edota 945-16 06 00 telefono zenbakira deitu. Era berean, Lanbiden aurkeztutako curriculumeko merituen dokumentazioa eta eskaera orria udaletxean aurkeztu beharko dute interesatuek.