Urolakoen Nafar Zuzterrak taldeak antolatuta, Mikel Soraurenek hitzaldia eskaini du gaur, asteazkena. Amaiur monarkia autoritarioen Europan izenburupean aritu da Sorauren Azpeitian, eta hainbat lagun elkartu dira Azoka Plazan haren azalpenak entzuteko.
Beste hiru saio ere prest dituzte antolatzaileek. Hala, martxoaren 23an, datorren asteazkenean, egingo dute bigarren saioa; (1200) Castillak konkistatutako Ipuzkoa hurrengo konkistetan (1521-1524) parte hartzera behartuta izenburua jarri diote hitzaldiari, eta Victor Herrero ariko da hizlari. Martxoaren 30ean egingo dute hirugarren saioa; Amaiur 1522 Nafarroako azken bastioia solasaldia emango du Peio Monteanok. Azkenik, apirilaren 30ean, gazteei zuzendutako entzuteko saio berezia egingo dute.
