Izurriak eragindako geldialdia tarteko, jendea gogotsu zegoen Loiolako asto karrerak ikusteko. Argi gelditu da hori gaur eguerdi partean Loiolan elkartu den jendetza ikusita. 11:00etan hasita, haurrentzako puzgarriak, zezen txikiak eta poniak izan dira, eta 13:00etan iritsi da festetako hitzordu nagusia: asto karreren txanda, hain zuzen ere. Aurtengorako lau asto prestatuta bazituzten ere, arazo batzuk tarteko, azkenean bi astok parte hartu dute. Dena den, giro paregabea sortu da Loiolan.