Indarkeria obstetrikoaz izeneko hitzaldia emango du datorren asteazkenean, martxoaren 30ean, Irati Aizpurua Alquezar abokatuak Emakumeen Txokoan. 18:30ean hasiko da solasaldia.
Erditzeetan ere behin baino gehiagotan emakumeen aurkako indarkeria agertzen dela azaldu dute Emakumeen Txokoko arduradunek. "Emakumeen aurkako indarkeriaz hitz egiten dugunean, forma eta intentsitate desberdinetako indarkeriez mintzo gara, besteak beste, azkenaldian entzuten den indarkeria obstetrikoaz".
"Osasun zentroetan haurdunaldian, erditzean eta erditze ostean emakumeek jasotzen duten tratua eta une horietan egiten diren praktikak barnebiltzen ditu" indarkeria obstetrikoa kontzeptuak. Asteazkeneko hitzaldian, "indarkeria mota horren elementu garrantzitsuenak ikusteko aukera" izango da, eta horien inguruko "zertzelada batzuk" eskainiko ditu Aizpuruak, ikuspegi juridikotik.