Azpeitian dira Azkoitia-Azpeitia maratoi erdian parte hartuko duten eliteko korrikalariak. Gaur goizean probaren ibilbidearen inguruan ibili dira entrenatzen horiek, Xeye atletismo taldeko hainbat kidek lagunduta.
Bihar, larunbata, arratsaldean jokatuko dira Azkoitia-Azpeitia maratoi erdia eta lasterketa herrikoia. 16:15ean hasiko da lasterketa herrikoia Azkoitiko Julio Urkixo etorbidetik, eta 16:30ean maratoi erdia, leku berean. Probak eragina izango du Azpeitiko trafikoan: 15:00etan itxiko dute Loiolako Inazio hiribidea, eta 16:00etatik aurrera, Azpeitiko herriguneko errepide gehienak.