Baigera jubilatuen elkarteak irteera antolatu du Petritegi sagardotegira. Apirilaren 21ean, osteguna, egingo dute txangoa. Ohiko moduan, San Martin egoitzaren paretik abiatuko dira, 08:30ean. Donostian pasatuko dute goiza, eta eguerdi aldera Astigarragara (Gipuzkoa) joango dira. 13:00 inguruan Petritegira joango dira, eta han bazkalduko dute. Dagoeneko zabaldu dute izena emateko epea, eta interesa dutenek Baigeraren bulegoan eman behar dute izena. 35 euroko prezioa du ibilaldiak.