Bi urteko etenaren ostean, martxan da Gipuzkoako 51. Hiru Txirlo bola joko txapelketa, eta larunbatean, Azpeitian jokatuko dute bigarren jardunaldia. 80 bolari inguruk parte hartuko dute Garmendipeko bolatokian egingo duten jaurtialdian. 17:00etan hasita egingo dute saioa.
Datozen jardunaldiak Elgetan, Elgoibarren, Itziarren, Leintz-Gatzagan, Eibarren, Aretxabaletan nahiz Bergaran izango dira. Finalak Azkoitiko Floreaga auzoan jokatuko dituzte, ekainaren 4an, eta Lehendakari Saria, berriz, Soraluzen jokatuko dute ekainaren 11n.