Erraki langile kontrolpeko espazioen babes sarearen erresistentzia kutxaren aldeko jaialdia izan zen zapatuan Azpeitiko Gaztetxean. Indarrak batuz erresistentzia leloarekin herriz herri egiten ari diren elkartasun jaialdi sortaren bosgarrena izan zen larunbatekoa, eta Azpeitiko Gaztetxeak antolatuta, jolasak eta kontzertuak izan ziren. Azpeitiko Arroite musika taldea izan zen oholtzara igotzen aurrena, 22:30ean, eta haren atzetik eskaini zuten kontzertua Zestoako Manitu taldeko musikariek.
Erresistentzia kutxaren aldeko beste bi jaialdi izango dira eskualdean datozen asteetan, apirilaren 16an Zestoan eta maiatzaren 28an Esklabetan.
(Argazkiak: Azpeitiko Gaztetxea)