Hamabost egun inguruz aritu dira Urola ibaia garbitzeko lanetan Txukun garbiketa enpresako hamar lagun. Urola ibaiaren egoeraz kezkatuta sustatu dute egitasmoa Azpeitiko Udalak eta Urola Bizirikek, eta garbiketa huts bat izatetik urrun, herritarren kontzientziak astintzeko balioko duen ekimena izatea espero dute. Bi eragileek, beren aldetik, horretarako baliabideak jarriko dituzte. Datozen asteetan jakinaraziko dituzte garbiketan bildutako hondakin kopuruen emaitzak.