Uztarria Komunikazio Taldeak zozkatu ditu asteburuko kontzertuetarako sarrerak. Bihar, ostirala, Desakato eta Huts taldeek kontzertua eskainiko dute 21:30ean, Sanagustin kulturgunean. Igandean, berriz, Oiasso Kamerata taldearen emanaldia izango da, Soreasu antzokian, 19:00etan hasita. Uztarriak kontzertu bakoitzerako Kulturazek emandako bi sarrera bikoitz zozkatu ditu zozketan parte hartu duten bazkideen artean.
Bazkide ugarik parte hartu dute bi zozketetan, eta horien guztien artean zozketa egin ondoren, Maitere Azpillagak eta Joxe Aiertzak irabazi dituzte Desakato eta Huts taldeen kontzerturako sarrerak. Amaia Garatek eta Mari Karmen Bordak, berriz, igandeko emanaldirako bina sarrera eskuratu dituzte.