Adrian Zelaia Ekai taldeko lehendakari eta EHUko Ekonomia Aplikatuko irakasleak hitzaldia emango du etzi, apirilaren 6an, Azpeitian. Ikastolan Libre taldeak antolatu du solasaldia; 19:00etan hasiko da, Azpeitiko Ikastola Ikasberriko hirugarren solairuko aretoan.
Mundua bidegurutzean izenburua du Zelaiak emango duen hitzaldiak, eta lau azpi-atal izango ditu: Gure eredu sozioekonomikoaren gainbehera; Covid-19 eta Berrabiatze Handia; Txina, Errusia eta Mendebaldearen arteko lehia (Errusia eta NATOren arteko talka); eta Europaren etorkizunerako aukerak.