Zumaiako Telmo Deun arraun elkartean diharduten infantil mailako arraunlari azpeitiarrek Gipuzkoako Txapelketa irabazi zuten atzo, igandea; Pasaiako (Gipuzkoa) badian aritu ziren neska arraunlariak. Larunbatean, Gipuzkoako Batel Ligako azken jardunaldia jokatu zuten, eta ligako bandera eskuratu zuten arraunlari azpeitiarrek. Gipuzkoako Txapelketako sailkatze estropada ere izan zen atzoko saioa.
Atzo, igandea, Gipuzkoako Txapelketako eta Federazio Sariko estropadak jokatu zituzten eremu berean, Pasaian. Ligan lortutako emaitza errepikatuz, Zumaiako infantil mailako neskek Gipuzkoako Txapelketa irabazi zuten. Zarauzko eta San Juaneko ontzien aurretik amaitu zuten estropada, eta txapelketako bandera lortu zuten. Orain, Euskadiko Txapelketa dute aurretik Zumaiako arraunlariek.