Golden Apple Quartetek, Xabier Zabala konposatzaileak eta Azpeitiko Udal Musika Bandak Golden Xey ikuskizuna eskainiko dute larunbatean Azpeitiko Soreasu antzokian. Golden Apple Quartetek Los Xey musika taldea zenari omenaldia egiteko sortutako ikuskizuna da Golden Xey, eta emanaldiaren nondik norakoak ezagutzeko, protagonistekin elkartu da Erlo Telebista. Umorea izango da emanaldiaren osagarri nagusietako bat, eta bertan parte hartuko duten guztiek –musikari, abeslari eta konposatzaile– herritarrei dei egin diete ikuskizunera bertara daitezen. Kantu ezagunak eskainiko dituztela aurreratu dute.