Gazteak eta musika izeneko saioa hartuko du bihar arratsaldean Sanagustin kulturguneak. Nerabeek osatutako herriko lau talderen musika zuzenean entzuteko aukera izango da, batetik; bestetik, talde horietako kideei galderak egiteko eta haiekin solasean aritzeko aukera izango dute kulturgunean elkartzen direnek.
Istilu, Ukabil, Leherkaitz eta No Pleiz dira bihar Sanagustinen kantuan eta berriketan ariko diren taldeak. 17:00etan hasiko da Kulturaz kooperatibak eta Gaztelekuak elkarlanean antolatu duten saioa.