Ziklomotor jabeek beren ibilgailuaren azterketa teknikoa Azpeitian egiteko aukera izango dute datorren maiatzaren 11n. Egun horretan, 09:00etatik 14:00etara bitartean egingo dituzte aipatutako azterketak Urola kaleko udal biltegian.
Azterketa teknikoa egin ahal izateko, baina, aurretik txanda hartu behar da nahitaez, 943-76 97 53 telefono zenbakira deituta.
Ziklomotor jabeek honako agiriak aurkeztu beharko dituzte azterketa egin ahal izateko: ziklomotorraren ezaugarrien ziurtagiria (jatorrizkoa, kopiarik ez); zirkulazio baimena; derrigorrezko asegurua; eta ibilgailuaren titularraren NAN zenbakia. Azterketaren prezioa 30,12 eurokoa da.