Gaur arratsaldean hasi da Azpeitia Cupek antolatutako 3x3 Futbol Festa. Hiru egunez, igandera bitartean, neska-mutil gaztetxoek osatutako 115 taldek parte hartuko dute egitasmoan. Plazan egin behar zuten, baina Frontoi Txikian ari dira egiten, astebururako euria emanda dagoelako.
17:30ean hasi dira lehen jardunaldiko partidak, eta horietako batzuetan hartutako irudiak ikus daitezke goiko bilduman. Bihar eta etzi, berriz, 10:00etan hasiko dira 3x3 Futbol Festaren neurketak jokatzen.