Bihar, hileko azken asteazkenean, egingo dute apirileko odol ateraldia Parrokiaren Soreasuko lokalean. Ohi bezala, 17:00etatik 21:00etara izango da, baina odola ematera joateko asmoa dutenek aurrez hartu behar dute txanda. Horretarako, bihar 08:30etik 13:30 bitartean dei dezakete 943-00 78 84 telefono zenbakira.
Bestetik, maiatzean bi ateraldi izango direla gogorarazi nahi du Azpeitiko odol emaileen elkarteak. Datorren hilean, 11n eta 25ean izango dituzte hitzorduak.