Nerea Astigarraga Azpeitiko bizilagunak Resetea tu vida liburua aurkeztuko du maiatzaren 11n, asteazkena, Emakumeen Txokoan. Idazleari desoreka bipolarra diagnostikatu zioten duela urte batzuk, eta gai horren inguruan idatzi duen lana da honakoa.
Idazleak bere webgunean dioenez, buruko gaitz hori "autoezagutza prozesu sakon bat hasteko gonbidapena" izan zen berarentzat, eta "bizitza estilo osasungarria" hasi ahal izan zuen diagnostikoaren ostean. 18:30ean izango da saioa, gazteleraz, eta edonork izango du joateko aukera.