Baigera jubilatuen eta pentsiodunen elkarteak mendi buelta antolatu du maiatzaren 28rako. Nuarbera autobusez joango dira parte hartzaileak, eta handik Matxinbentara txangoa egingo dute oinez. Azpeitira itzulera ere autobusez egingo dute.
09:00etan aterako da autobusa San Martin egoitzaren paretik Nuarbera. Matxinbentara iristean Beko tabernan egingo dute hamaiketakoa. Ibilaldian parte hartu nahi duten herritarrek hamabi euro ordaindu beharko dute.