Emakumeen Euskal Herriko Txirrindulari Txapelketa izango da igandean Azpeitian, eta proba horren eraginez, hainbat aldaketa izango dira trafikoan; ezingo da aparkatu Foru pasealekuan eta Zelai Luzen eta arratsaldean itxita izango da errepidea. 15:15ean jokatuko dute kadeteen lasterketa, eta 16:30ean, berriz, junior, 23 urtez azpiko eta elite mailako txirrindulariena. Zelai Luzen hasi eta bukatuko dira probak.
Lasterketa horiek tarteko, igandean ezingo da ibilgailurik aparkatu Foru pasealekuan nahiz Zelai Luzen, 08:00etatik 20:00etara bitartean. Halaber, 15:00etatik 19:00etara, ibilgailu guztientzat itxita izango da Foru pasealekua, eta autobusak herriaren kanpoaldetik igaroko dira. Horrenbestez, Burndinbidearen Euskal Museoaren parean eta Julian Elorza hiribidean beharrean, saihesbidean egingo dituzte horiek geldialdiak.
Bestalde, Zestoa aldean ere hainbat bide mozketa izango dira probek irauten duten bitartean.