Uztailaren 16an, larunbatez, 1990eko hamarkadara jauzi egiteko parada izango da Sanagustin kulturgunean. Izan ere, sasoi hartan entzutetsu egin ziren musika elektroniko doinuak entzun ahal izango dira DJ festan.
Gonbidatu berezi bat ere izango da: Chimo Bayo artista mitikoa. Gainera, disko jartzaile hainbat ere izango dira: Alina Mora, Dario Nuñez, Julius MC eta DJ Mari. Dagoeneko salgai daude festarako sarrerak, Kulturaz kooperatibaren webgunean, hamabi eurotan.