Atzo, zapatua, egin zuten Euskal Herriko I. Elektrotxaranga Lehiaketaren azken saioa. Bi asteburutan lau elektrotxarangak eskaini dituzte emanaldiak, eta atzokoan beste bi izan ziren Alde Zaharreko giroa alaitzen. Hain zuzen ere, Matraka eta OstiKda taldeen txanda izan zen atzo, eta jendetza elkartu zen haien bueltan.
AZTE tabernarien elkarteak eta Azpeitiko Udalak antolatu dute egitasmoa, eta lehen saioa duela hiru aste egin zuten; Elektrotxuflak eta Zütik elektrotxarangek giro paregabea sortu zuten kalean. Joan zen astean, berriz, Game of Txaranga eta 3Indarrok elektrotxarangen txanda izan zen.
Lehiaketan parte hartu duten sei elektrotxarangen saioen ostean, epaimahaiak zein den Euskal Herriko Elektrotxarangen Lehiaketaren lehen edizioaren irabazlea jakinaraziko du –egunik ez dute zehaztu– , eta elektrotxaranga onenak 6.000 euroko diru saria eskuratuko du.
Hona hemen Matraka elektrotxarangaren irudi batzuk, bideoan: