Auto batek eta moto batek elkar jo dute 18:35 inguruan, Lasao auzoaren parean, Azpeitirako noranzkoan. Ertzaintzak jakinarazi duenez, osasun langileek ezin izan dute moto gidaria suspertu, eta hil egin dela baieztatu dute. 39 urteko gizon zumaiar bat da hildakoa. Azpeitia eta Zestoa arteko GI-631 errepide zatia itxita dago uneotan (19:30) bi noranzkoetan, eta auto ilarak sortu dira. Ertzaintzak ikerketa abiatu du gertatutakoa argitzeko.