"Herritarren beharrak ezagutzeko eta babes sozialeko zein ekonomikoko neurriak fintzeko" galdetegia jarri du martxan Azpeitiko Udalak. Telefono bidezko galdetegia da herritarrek jasoko dutena, eta deia jasotzen dutenei hainbat galdera erantzuteko eskatuko diete. Erakundeak azaldu duenez, helburua da Azpeitiko premien "argazki oso bat jasotzea". "Emaitza horiek aintzat hartuta baloratuko eta osatuko dira gaur egun martxan dauden babes sozialerako plana, etxebizitza plana, sustapen ekonomikorako plana… baita egitasmo berriak abian jartzeko premia dagoen ere", azaldu du erakundeak.