Eusko Jaurlaritzak Urola Erdiko enpresa txiki eta ertainei zuzendutako 2022ko laguntza-plana aurkeztu zuen atzo Basazabal jauregian. Informazio saio hori Iraurgi Berritzenekin elkarlanean antolatutakoa izan zen, eta Urola Erdiko hogei enpresa inguruk parte hartu zuten bertan. Laguntza programen aurkezpenaren ondoren, jardunaldian parte hartu zuten enpresetako ordezkariek networkinga egiteko aukeratu izan zuten, eta bukatzeko, Eusko Jaurlaritzako eta Iraurgi Berritzeneko ordezkariek bisita instituzionala egin zuten Azkoitiko Xubi Engranajes enpresara. Bertan izan zen Nagore Alkorta Azpeitiko alkatea eta Iraurgi Berritzeneko lehendakaria.
Xubi Engranajes Xubi Group-en enpresetako bat da, Renogear, BSG Zuazo eta Osaturekin batera. Doitasun handiko engranejeak diseinatu eta fabrikatzen ditu enpresak. Esteban Sudupe enpresaren sortzaileak gidatuta, erakundeetako ordezkariek Xubi Engranajesen ekoizpen planta bisitatu zuten.