Azpeitiak Gipuzkoako Herriarteko Txapelketako finala jokatuko du zapatuan, 16:30ean hasita, Donostiako Atano III.a pilotalekuan. Oiartzun izango du parez pare Azpeitiak, eta hiru partidak zuzenean emango dituzte Uztarria.eus-ek eta Erlo Telebistak.
Iñaki Elorza Txapas kazetariak eta Jon Alberdi pilotariak egingo dute zuzeneko emankizuna frontoitik, eta webgune honetan nahiz Erlo Telebistan ikusi ahal izango da 16:15ean hasita.