Uztailaren hasierarekin batera, udako ordutegiarekin hasiko dira lanean bihar Burdinbidearen Euskal Museoan. Horrela, asteartetik larunbatera 10:30etik 14:00etara eta 16:00etatik 19:30era irekiko ditu ateak Urolako Trena zenaren Azpeitiko geltokian dagoen museoak, eta igande eta jaiegunetan 10:30etik 14:00etara; astelehenetan itxita egoten da museoa.
Bestetik, eta bidaien denboraldian ohikoa denez, asteburu honetan ere lurrun trenean hiru joan-etorri egin ahal izango dira museotik Lasaora, bi zapatuan (12:00etan eta 17:30ean) eta bat igandean (12:00etan).