Aurreko edizioetan bezala, aurten ere Donosti Cup lagunarteko futbol txapelketaren partidak hartuko ditu Garmendipeko belar artifizialezko zelaiak. Gaur hasi da txapelketa, eta zortzi neurketa jokatuko dira guztira Azpeitian; arratsaldeko saioko azken biak jokatzeke daude oraindik: 17:45ean hasiko da Aldapeta Maria eta Mundaiz ikastetxeen artekoa; eta 18:45ean, Añorgaren eta Mundarroren artekoa.
Bihar eta etzi ere zortzina partida ikusteko aukera izango da Garmendipen, goiz eta arratsaldez, 10:00etan hasita. Ostegunean, uztailaren 7an, hartuko du aurtengo azken jardunaldia Azpeitiak. Egun horretan, txapelketaren barruko hainbat mailatako final hamaseirenetako, zortzirenetako eta laurdenetako neurketak jokatuko dituzte Garmendipen; 11 izango dira guztira, 09:00etan lehendabizikoa eta 20:30ean azkena.
Lotura honetan dago Azpeitian jokatuko diren partiden egutegia.