Frantziako Tourraren Pirinioetako etapak ikustera joateko bidaia antolatu du aurten ere Oñatiko Markel Irizar peñak, eta aurten ere irteera horrekin bat egiteko aukera izango dute Azpeitiko txirrindularitza zaleek. Izan ere, Aitzaki Kirolak saltokian eman ahal izango dute horiek izena, uztailaren 15a baino lehen 943-53 27 70 telefono zenbakira deituta.
Zaleek hiru egun pasatuko dituzte Pirinioetan. Hain zuzen ere, uztailaren 20ko eta 21eko etapak ikusteko aukera izango dute horiek; Saint Gaudens-Peyragudes (uztailak 20) eta Lourdes-Hautacam (uztailak 21). Tourra ikustera joateko autobusa hilaren 19an, asteartez, aterako da Oñatiko Olakua tarbenaren paretik, 14:30ean, eta Aitzakin izena ematen duten herritarrek Arroan izango dute autobus zerbitzua.
Irteerara joan nahi dutenek 200 euro ordaindu beharko dute –100 euro 17 urtez azpikoek–. Prezio horretan autobuseko joan-etorria, jatekoa eta edatekoa sartzen dira. Gainera, dutxa eta hotela nahi dituztenek beste 50 euro ordaindu beharko dituzte egonaldia.