Salbe auzuneko 34 eta 40 etxe atarien artean ur hornidura sarea berritzeko lanak ari dira egiten. Hain zuzen ere, jarraipenik gabeko sareen hoditeriak berrituko dituzte, baita hainbat eraikinetako hartuneak ere. Azpeitiko Udalak eta Gipuzkoako Ur Kontsortzioak gauzatuta duten hitzarmen bati esker egingo dituzte lanok; zehazki, eremu horretan 184 metro hodi berrituko dituzte. Dagoeneko hasi dituzte lanak, eta horiek uztailaren bukaerarako amaitzea aurreikusten du udalak. Obrek 56.536 euroko aurrekontua dute.