Mirari Uria futbolari azpeitiarrak 19 urtez azpikoen Europako Txapelketa irabazi du gaur Espainiako selekzioarekin, Norvegia 2-1 mendean hartuta. Ostravan (Txekiar Errepublika) jokatu dute finala gaur arratsaldean, eta Realeko aurrelari azpeitiarra lehen hamaikakoan sartu du entrenatzaileak. Txapeldunek Alexia Putellas jokalariari eskaini diote garaipena.
Lan txukunda egin du Uriak txapelketan zehar. Hark egindako golari esker irabazi zion Espainiak Suediari (1-0) finalaurreko neurketa. Uriaren bigarren gola izan zen hura, lehen jardunaldian sartu baitzuen lehendabizikoa (3-1 irabazi zion Espainiak Italiari, eta hirugarrena egin zuen azpeitiarrak).