Abuztuko lehen hamabostaldian itxita izan da Enparan dorretxean kokatuta dagoen Udal Liburutegia, baina atzoz geroztik, zabalik da berriro ere. Abuztua bukatu bitartean, astegunetan egongo da zabalik, hau da, astelehenetik ostiralera, 08:30etik 14:00etara.
Irailean itzuliko da ohiko ordutegira liburutegia, eta orduan, zapatuetan ere irekiko dute. Astegunetan 09:00etatik 13:00etara eta 15:30etik 20:00eta egongo da zabalik, eta zapatuetan, goizez soilik, 09:00etatik 13:00etara bitartean.