Udalak herriko bideak eta errepideen mantenurako 505.000 euro bideratuko ditu. Hainbat bide asfaltatu eta margotuko ditu, bide segurtasuna bermatzeko. Horretarako, bi lehiaketa publiko atera ditu, eta horietara proiektuak eta eskaintzak aurkezteko epea irailaren 5era bitartekoa izango da. Lehiaketa bat asfaltatze lanetarako izango da eta bestea pintaketarako.
Asfaltatze lanetan hamalau puntu asfaltatu eta konpondu nahi ditu udalak; besteak beste, bi baserri bide, Etxe Alai auzotik Abitainera bitartekoa eta Barrenetxetik eta Urruzona artekoa. Kasu horretan, lanen gehienezko aurrekontuua 302.124 eurokoa da.
Pintaketa lanetan, berriz, zortzi errepide zein gune margotzeko lanak aurreikusi dituzte. Tartean, pintatu beharrean dauden hainbat zebrabide berrituko dituzte. Lan horietarako 203.278 euro aurreikusi ditu erakundeak.