Udako oporraldiaren etenaren ondoren, eta oporren aurretik iragarri zuten gisan, irailaren 5ean, datorren astelehenean, itzuliko da herriko plazara Azpeitiko Jubilatuen eta Pentsiodunen Plataforma.
12:00etarako deitu dute plataformakoek, ohi bezala, pentsio duinen aldeko elkarretaratzea, eta bertan parte hartzera gonbidatu dituzte herritarrak. Jubilatuei ez ezik, "pentsiodun eta jubilatu izango diren guztiei" egin diete deia.