Laura Bastida eta Ekain Uzkudun dantzari azpeitiarrak aste gozoa ari dira bizitzen. Joan den astean, Zarauzko Binakako Dantza Txapelketa irabazi zuten, eta txapelketa horren ondoren, Donostian eta Lekeition (Bizkaia) aritu dira. Bi txapelketa horietan ere txapeldun izan dira Bastida eta Uzkudun.
Donostiako Helduen Dantza Suelto Txapelketa joan den igandean jokatu zuten, eta han Lezo, Oiartzun, Bergara eta Azpeitiko zazpi bikotek parte hartu zuten. Bastidak eta Uzkudunek irabazi zuten txapela eta Nora Aizpuru eta Iker Zabala bikote azpeitiarra laugarren sailkatu zen.
Atzo, berriz, Lekeition (Bizkaia) izan ziren lau dantzariak. San Antolin jaietan murgilduta daude han, eta Lekeitioko