Ikasturtea hastear da Azpeitiko Karate Elkartea, eta dagoeneko ireki dute karate eskolan parte hartzeko izen-ematea. Irailaren 14an hasiko dira saioekin Azpeitiko Udal Kiroldegian, eta adinaren araberako taldeetan banatuta eskainiko dituzte saioak. Txikiek —5 eta 9 urte bitarteko haurrak— asteazkenetan eta ostiraletan izango dituzte klaseak, 17:30etik 18:30era bitartean; gazteek —10 eta 14 urte bitartekoak— asteazkenetan eta ostiraletan izango dituzte saioak, 18:30etik 19:30era bitartean, eta 14 urtetik gorakoek astelehenetan, asteazkenetan zein ostiraletan, 19:30etik 20:30era bitartean.
Karate eskolan izena eman nahi dutenek 646 76 32 65 telefonora deituta egin dezakete izen-ematea, baita saioetara bertaratuta ere.