Azpeitiko Udal Liburutegiak martxan du berriro ere Irakurleen Txokoa, eta astelehenetik hasi eta irailaren 23ra bitartean egongo da izena emateko aukera. Elkarrekin irakurtzeko zein irakurtzekoa elkarbanatzeko aukera izango dute gaztetxoek txoko horretan, eta hilabetean behin egingo dituzte saioak. LH3tik DBH1era bitarteko haurrek eman ahalko dute izena, eta izena ematen duten herritarren kopuruaren eta adinaren arabera osatuko dituzte taldeak.
Interesdunek hiru modu dituzte izena emateko: liburutegian bertan, 943-15 71 95 telefonora deituta edo 688 81 55 06 telefono zenbakira whatsapp mezu bat bidalita.