Minbiziaren Aurka Gipuzkoan elkarteak antolatuta, Minbiziaren Aurkako Astea ari dira egiten hainbat txokotan, eta Azpeitian fundazio zientifikoaren 50. urteurreneko erakusketa zabaldu dute, anbulatorioan. Azken urteetako ikerketa onkologikoaren emaitza nabarmenetako batzuk ageri dira erakusketan ezarritako paneletan, eta ostirala bitartean edonork izango du ikusteko aukera.