Azpeitian ere kalean salatu dute igandean Benidormen (Herrialde Katalanak) bere etxean labankadaz hilda aurkitu zuten Soraluzeko emakumearen hilketa. Gau arratsaldean, hamarnaka herritar batu dira plazan, Indarkeria matxista orori aurre egin! leloa agerian zuen pankartaren atzean, Urola Erdiko Itaiak deitutako protestarekin bat eginez.
Indarkeria matxista kasuetan ohi duenez, Itaiak "babes osoa" helarazi die hildako emakumearen senideei eta ingurukoei, eta indarkeria mota horri aurre egiteko "emakume langileak antolatzea" eta "tresna eraginkorrak" martxan jartzea "ezinbestekoa" dela azpimarratu du.