Beheko mailetatik gorengo mailetara artean 23 saskibaloi talde ariko dira Iraurgi saskibaloi klubaren izenean hastear den 2022-2023 denboraldian. Gizonen eta emakumeen talde nagusiak aurkeztu ditu Azkoitiko eta Azpeitiko saskibaloi elkarteak gaur, zapatua, eguerdian Loiolan.
Espainiako emakumeen Challenge Ligan lehiatuko da sasoi berrian ere Domusa Teknik ISB. Talde horrek, gaur bertan hasiko du liga etxean Zamoraren kontra jokatuz. Partida 17:00etan da, Azkoitiko kiroldegian. Joseba Lizarralde Rubio da taldearen entrenatzaile berria.
Iraurgiko gizonen Juaristi ISB talde nagusiak Urrezko LEB ligan lehiatuko du sasoi berrian. Talde honek ere entrenatzaile berria izango du: Mikel Odriozola. Aurreko denboraldian, taldearen bigarren entrenatzaile aritu zen Iñaki Jimenezen ondoan. Juaristi ISBk datorren ostiralean, urriaren 7an, hasiko du liga. Etxean, Azpeitiko kiroldegian, jokatuko du Coruñaren kontra, 21:30ean hasita.