10 kilometroko Euskadiko Txapelketa jokatu dute gaur goizean Barakaldon (Bizkaia) Xeye atletismo taldeko hainbat kidek. Hiru txapel eskuratuta itzuli dira etxera, beteranoetan Azpeitian bizi den Pedro Muñoz azkoitiarra izan da irabazlea, 33:41 denboran egin ditu probaren 10 kilometroak. Absolutuen mailan ere garaipena Xeyeko kide batek eskuratu du, Joseba Diaz azkoitiarrak (30:29). Imanol Larrañaga azkoitiarrak ere podiuma egin du absolutuetan, 31:44 denborarekin hirugarren postua lortuta.
Taldeka Xeye atletismo taldea izan da irabazlea 10 kilometroko proban. Taldea Diazek, Muñozek, Larrañagak eta Iñaki Elolak (35:04) osatu dute.