Baigera Azpeitiko jubilatuen elkarteak antolatuta, Pentsiodunen Eguna ospatzen ari dira gaur hainbat eta hainbat herritar. 12:00etan, elkarretaratzea egin dute astelehenero bezala, Azoka Plazaren atarian, Pentsio, zaintza eta osasungintza publiko eta duinak, 1.080 euroko gutxieneko pentsioa zioen pankartaren atzean. Ondoren, 14:00etan hasita, bazkaria egin dute Azoka Plazan, eta jende ugari bertaratu da. Orotara, ehun lagun inguru elkartu dira, eta bertan izan dira udal ordezkariak ere. Bazkalostean, dantzaldiarekin borobildu dute eguna.