Ikasturte berriari ekiteko, bi ikastaro antolatu ditu udalak, eta biak ala biak martxan dira dagoeneko. Joan zen astean hasi zen ongizate emozionala eta autozainketa lantzeko tailerra —bi talde sortu dira—, eta astelehenean, urriak 3, literatura, artea zein historia lantzeko ikastaroa hasi zen. Izen-ematea ireki bezain pronto bete zen taldea, eta 40 pertsona inguru ari dira parte hartzen.
Astelehenero elkartuko da taldea ekaina bitartean, 17:00etatik 19:00etara, Basazabalen. Saioetan XIX. eta XX. mendeko artea eta kultura landuko dituzte ikasleek, eta Deustuko Unibertsitateak irakasleek eskainiko dute ikastaroa.