Gipuzkoako Foru Aldundiko Mugikortasun eta Lurralde Antolaketako Sailak Gipuzkoako bira egitasmoa jarri du martxan, lurraldeko bidegorriak nahiz oinezkoen eta bizikleten mugikortasuna sustatzeko. Asteburuan Azpeitian egingo du geldialdia egitasmoak; izan ere, karpa handi bat jarri dute gaur plazan, eta bihar eta etzi hainbat ekintza egingo dituzte bertan. Hain zuzen, larunbatean 10:30etik 14:00etara eta 15:30etik 19:30era egongo da irekita karpa, eta igandean, 10:30etik 14:00etara.
Zehazki, herritarrek bide berdeei eta bidegorriei buruzko informazioa jaso ahal izango dute herritarrek, eta bizikleten mekanikari buruzko –zapatuan 16:00etatik 18:30era, eta igandean, 11:00etatik 13:30era– tailerrean eta bizikleten materiala birziklatuta eskulanak egiteko –zapatuan, 11:00etatik 13:30era– tailerrean parte hartu ere bai. Horrez gain, askotariko bizikletak probatzeko aukera ere izango da han, hala nola elektrikoak, hirikoak eta egokituak.