Gipuzkoako Seiscientos Zale elkarteak antolatuta, Seat 600 zaleen zazpigarren topaketa egin dute gaur Azpeitian. Autozaleak Loiolan elkartu dira, 10:15ean; guztira, hamar bat auto bildu dira han. Ondoren, Zestoara joan dira topaketan parte hartu dutenak. Ekainberri museoa bisitatu dute jarraian, eta Zestoa inguruan buelta bat eman ostean, Azkoitira joan dira. 14:00 aldera iritsiko dira berriz Azpeitira, eta eguna borobiltzeko, Lau Bide jatetxean bazkalduko dute autozaleek.