Aurreko asteaz geroztik, martxan da Organo Erromantikoaren Nazioarteko XXIII. Zikloa, eta asteburu honetan ere izango dira egitasmoaren barruko hitzorduak. Azpeitian, esaterako, bihar eskainiko dute emanaldia Loreto F. Imaz eta Itziar Urbieta organistek. Hain zuzen ere, Loiolako basilikan izango da kontzertua, 20:00etan hasita.
Zikloaren barruko Loiolako hirugarren eta azken kontzertua, berriz, urriaren 21ean, ostiralez, izango da (20:00), eta Xabier Urtasun organista eta Rita Morais sopranoa izango dira protagonistak. Lehen kontzertua, berriz, aurreko astean izan zen, David Cassanen eskutik.