Guztira, sei artzain aritu ziren beraien txakurrekin lehian atzo, asteazkena, Zarautzen jokatutako arraza libreko ardi txakur lehiaketan. Haien lana izan zen, lehiaketako bi probak ahalik eta txukunen eta azkarren egitea. Azkenean, Peio Segurola matxinbentarrak eta haren txakur beteranoak lortu zuten puntuazio altuena. Iaz Zarautzen lortutako garaipenaren ondotik, erretiroa emateko asmoa zion Segurolak Argiri, baina aurrera jarraitu du lagunarekin, eta beste poz bat eman zion atzo matxinbentarrari. Hori bai, aitortu zuen Segurolak atzokoarekin bukatu direla txapelketak Argirentzako.
Puntuazioa kontuan hartuta, bigarrenaren eta bosgarrenaren arteko tartea oso estua izan zen atzo Zarauzko lehiaketan; guztira, hamar puntukoa.
Sailkapena
- Peio Segurola (Argi), 288 puntu.
- Xabier Gastañaga (Sandy), 260 puntu.
- Manuel Gorriti (Turbo), 255 puntu.
- Aitor Urien (Nay), 251 puntu.
- Bittor Bengoetxea (Izar), 249 puntu.
- Asier Dakosta (Zeru), 155 puntu.