Udal Musika Bandak ikasturte berriko lehen kontzertua eskainiko du etzi, igandea. Soreasu antzokian izango da, 13:00etan hasita.
Aire eta doinu britainiarrekin osatu du Bandak iganderako egitaraua. Izan ere, Britainia Handiko doinu herrikoiak zein hango musikagileen piezak tartekatuko dituzte musikariek. The British Grenadier March, Edward Elgar-en Pomp and Circumstance Nº 1, Gustav Holst-en Second Suite in F For Military Band, Freddie Mercuryren Bohemian Rhapsody eta R. Vaughan Williamsen Folk Song Suite dira etzi eguerdian Soreasura joaten direnek entzungo dituzten piezak.
Beñat Etxabek zuzenduko du Banda igandeko agerraldian, Unai Frantsesena ordezkatuz.