Azken txanpan da Organo Erromantikoaren Nazioarteko XXIII. Zikloa, eta horren erakusle da bihar izango dela Azpeitiko emanaldietako hirugarrena eta azkena. Aurreko bi kontzertuen moduan, 20:00etan hasiko da biharkoa ere: Xabier Urtasun organista eta Rita Morais sopranoa izango dira Loiolako basilikako protagonistak.
Azken bi ostiraletan emanaldi bana izan da Loiolan. Lehen emanaldia David Cassanek eskaini zuen, eta bigarrena, berriz, Loreto F. Imaz eta Itziar Urbieta organistek.